Balti – Dima Mechi : LYRICS/PAROLES

 كلمات اغنية ديما ماشي : دنيا ضوات طارت السكرة و ماحبيت نصحى مالثملة

 

Produced by: Balti Productions & Chabaka Directed by: Yannis Talal Lyrics: Balti Composition: Balti & Jimmy Haddad Music Production: Jimmy Haddad Studio recording: Wajdi Ben Abdallah

 

LYRICS/PAROLES : Balti – Dima Mechi

دنيا ضوات طارت السكرة و ماحبيت نصحى مالثملة
مشتت و كل مرة فكرة و بينات كل هملة هملة
محلاها الدنيا كي تنفنف و مرات نفلي مع الڤملة
حبي شتعمل بيا منتف انا كي الصرار و النملة
اولولو اولالا ديما ماشي و ديما على الله
لا عاد بوس و لا عاد طلا انتم الي عملتو زعل
و آه يا دادا و آه يا دادي نحب نفرح كيف اندادي
ديما دوده وديما ندادي عطوني زادي و زوّادي

وشبيني ساهر لتوة نحب نشوف الدنيا حلوة
انا آدم يا بنادم لتوة مفهمتني حواء
مرة نحبك مرة لا لا يقوي سعدك توة توة
باش نرضيها شقلالة و راسي وجعني مالدوة
اولولو اولالا ديما ماشي و ديما على الله
لا عاد بوس و لا عاد طلا انتم الي عملتو زعل
و آه يا دادا و آه يا دادي نحب نفرح كيف اندادي
ديما دوده وديما ندادي عطوني زادي و زوّادي

وانا الي ڤلبي في حالة و راسي في حالة حليلة
حبو يشريوني بالبالة و يبيعوني شيلة بيلة
ڤتلوني بالقيل و القالة يحبو عالخنن وقيلة
عطيت صحيّن هاز الشقالة هات اعطوني الكربيلة



و شوفنا الي يحكيو بالعفة و هوما الي نشرو الرذيلة
عجبونا الخدود و الشفة و الله اعلم بالرونديلة
شعب مخدر شام النفة و الحالة ولات حويلة
و رزنت علي الكفّة و هاني رميت المنديلة

شعب شريڤي بيڤي باو ذيوبة عَوْ عَوْ
لا ڤاز و لا ماء و الضوء و انشاء الله معندك سَوْ
ڤالو فما كان الخير ڤولتلهم توة توة
ڤولتلهم how do you do ڤالولي هاو هاو
والكلها فر فر و بلادي تر فر
و انا جيب الواد الواد دايرها بر بر
عرضوني برشة كلاب ڤولتلهم شِرْ شِرْ
ڤالو علينا بَرْ بَرْ تي هات البِرْ البِرْ
و جايبينها نبلاء و معاهم النوبة لا
بلادي برشة عملاء في بحرهم العومة لا
هاني نعيش كالراحلة معاهم الراحة لا
يا زميل يا زامل مانوليوش زملاء

اولولو اولالا ديما ماشي و ديما على الله
لا عاد بوس و لا عاد طلا انتم الي عملتو زعل
و آه يا دادا و آه يا دادي نحب نفرح كيف اندادي
ديما دوده وديما ندادي عطوني زادي و زوّادي

Djaz

https://www.linkedin.com/in/djaziri/

Digital Marketer - Community Manager - 2D/3D Designer - Video Editor

[an error occurred while processing this directive]